第十三屆中西區文化藝術節 「藝萃．中西」音樂匯

慶祝香港特別行政區成立二十九周年–第十三屆中西區文化藝術節開幕典禮 暨 「藝萃．中西」音樂匯

第十三屆中西區文化藝術節開幕典禮暨 「藝萃．中西」音樂匯今日（22/6）隆重揭幕，由民政總署署長杜潔麗主持開幕儀式，同時慶祝香港特別行政區成立 29 周年！項目由中西區民政處、中西區區議會、第十三屆中西區文化藝術節統籌委員會及中西區青年網絡攜手合辦。

開幕表演由香港中樂團、聖保羅男女中學銅管樂小組、英皇書院同學會小學口琴隊, 同埋仁濟醫院郭子樑幼稚園／幼兒中心嘅歌唱小組傾力演出，充分展現中西區學生同青年嘅音樂才華同活力。

「藝萃．中西」音樂匯以「城區意象 藝術融和」為主題，場內設置多項融入中西區地標建築特色嘅藝術裝置，市民喺欣賞表演之餘，亦可以細味中西區深厚嘅歷史文化底蘊。中西區民政處早前透過地區小型工程計劃，喺荷里活道設置嘅 12 隻造型可愛嘅「喵星人」藝術裝置亦遍布場地，配合埋AR合照體驗，會場一開放就吸引咗唔少市民到場尋找「喵星人」嘅足跡，打卡留念🤳。

「藝萃•中西」音樂匯由即日起至 4/7，將喺金鐘太古廣場 L1 層 Park Court 舉行 15 場午間同黃昏表演，由區內中學、小學同幼稚園學生獻上唔同類型嘅文藝表演節目，促進藝術文化交流同社區互動。午間同黃昏表演分別喺下午 1:15 同下午 4:45 進行，歡迎大家根據各場表演時間，到場支持中西區嘅同學及青年！

第十三屆中西區文化藝術節, 將會有更多精彩節目喺嚟緊三季陸續登場，大家記得密切留意中西區民政處嘅活動宣傳喇！ 轉發自 民政事務總署 Home Affairs Department